२१ असोज, काठमाडौं । नेकपा (एमाले) निकट विद्यार्थी संगठन अनेरास्ववियुले काठमाडौं महानगरपालिकाका प्रमुख बालेन्द्र साह र ‘हामी नेपाल’का संस्थापक सुदन गुरुङविरुद्ध किटानी जाहेरी दायर गर्ने भएको छ ।
अखिलका महासचिव दीपक धामीका अनुसार केहीबेरमै उनीहरू जिल्ला प्रहरी परिसर काठमाडौं पुगेर जाहेरी दर्ता गर्ने तयारीमा छन् ।
‘तोडफोड, आगजनी र प्रहरी हत्या सम्बन्धी घटनामा उजुरी दिन लागिरहेका छौँ । केही समयपछि प्रहरी परिसर जान्छौँ,’ धामीले बताए ।
गत २४ भदौमा जेनजी आन्दोलनका क्रममा संसदमुखदेखि सिंहदरबार र विभिन्न प्रहरी कार्यालयहरूमा तोडफोड र आगजनी भएका घटनाहरू घटेका थिए ।
