१४ भदौ, काठमाडौ ।। नेपाली बजारमा सुनको मूल्य एकैदिन तोलामा ९ हजार ५ सय रुपैयाँले घटेको छ ।
नेपाल सुनचाँदी व्यवसायी महासंघका अनुसार आइतबार सुनको मूल्य प्रतितोला ३ लाख ९ हजार रुपैयाँ निर्धारण गरिएको छ । अघिल्लो दिन सुन प्रतितोला ३ लाख १८ हजार ५ सय रुपैयाँमा कारोबार भएको थियो ।
यसअनुसार आइतबार सुनको मूल्य अघिल्लो दिनको तुलनामा प्रतितोला ९ हजार ५ सय रुपैयाँले घटेको हो ।
यस्तै, चाँदीको मूल्य पनि आइतबार प्रतितोला १८५ रुपैयाँले घटेको छ । अघिल्लो दिन प्रतितोला ४ हजार ९६५ रुपैयाँ रहेको चाँदी आज ४ हजार ७८० रुपैयाँमा कारोबार भइरहेको महासंघले जनाएको छ ।
