२६ चैत, काठमाडौ । — गैरकानुनी सम्पत्ति आर्जनसम्बन्धी मुद्दामा शेरबहादुर देउवा र उनकी पत्नी आरजु राणा विरुद्ध पक्राउ पुर्जी जारी भएको दाबी गरिएको छ।
सम्पत्ति शुद्धीकरणसम्बन्धी अनुसन्धान गर्ने निकायले अदालतबाट अनुमति लिएपछि दुवै जनालाई पक्राउ गर्ने प्रक्रिया अघि बढाइएको स्रोतले जनाएको छ। उच्च राजनीतिक तहका व्यक्तिहरूमाथि कारबाही तीव्र भइरहेका बेला यो कदमलाई महत्वपूर्ण रूपमा हेरिएको छ।
स्रोतका अनुसार देउवा दम्पती हाल हङकङ मा रहेको र उतै बसेको अवस्था रहेको बताइएको छ। उनीहरू स्वदेश फर्कन नमान्ने संकेत देखिएपछि सरकारले अन्तर्राष्ट्रिय स्तरमा खोजी प्रक्रिया अगाडि बढाउने तयारी गरेको छ।
यसक्रममा इन्टरपोल मार्फत ‘रेड कर्नर नोटिस’ जारी गर्ने तयारी भइरहेको जनाइएको छ, जसले उनीहरूलाई अन्तर्राष्ट्रिय स्तरमै खोजी गरी नेपाल ल्याउने बाटो खोल्नेछ।
सरकारी अधिकारीहरूले अनुसन्धानलाई निष्पक्ष र कानुनी दायराभित्रै अघि बढाइने बताएका छन्। यद्यपि, यसबारे सम्बन्धित निकायबाट औपचारिक पुष्टि भने आउन बाँकी छ।
