२० चैत, काठमाडौ । मध्यपूर्वमा जारी ईरान–इजरायल–अमेरिका संघर्ष आज ३५औँ दिनमा प्रवेश गरेको छ। तीनै पक्षबीच भीषण सैन्य झडप जारी रहँदा क्षेत्रीय मात्र होइन, विश्वव्यापी सुरक्षा चिन्ता समेत तीव्र बन्दै गएको छ।
अमेरिकाले हालै ईरानको सबैभन्दा ठूलो रणनीतिक पुल ध्वस्त पारेको दाबी गरेको छ, जसलाई युद्धको ठूलो मोडका रूपमा हेरिएको छ। यसको प्रत्युत्तरमा ईरानले इजरायलको राजधानी तेल अवीव सहित मध्यपूर्वका विभिन्न क्षेत्रमा रहेका अमेरिकी सैन्य ठिकानाहरूलाई लक्षित गर्दै मिसाइल र ड्रोन आक्रमणलाई तीव्र बनाएको जनाएको छ।
युद्धको प्रभाव केवल युद्धरत देशहरूमा सीमित नरही विश्व ऊर्जा आपूर्ति प्रणालीमा समेत देखिन थालेको छ। विशेषगरी स्ट्रेट अफ होर्मुज को सुरक्षा अवस्था अत्यन्त संवेदनशील बनेको छ, जसले विश्वभर तेल आपूर्तिमा अवरोध आउन सक्ने चिन्ता बढाएको छ।
यसैबीच, होर्मुज संकटलाई लिएर डोनाल्ड ट्रंप ले आफ्नो प्रत्यक्ष संलग्नता कम देखाएपछि अन्तर्राष्ट्रिय समुदाय थप सक्रिय बनेको छ। बृहस्पतिवार ६० देशहरूको आपतकालीन बैठक बसेको थियो, जसमा भारतको तर्फबाट विदेश सचिव विक्रम मिस्री सहभागी भएका थिए।
बैठकमा ऊर्जा आपूर्ति सुरक्षादेखि क्षेत्रीय स्थिरता कायम राख्ने उपायहरूबारे गम्भीर छलफल भएको बताइएको छ। विश्लेषकहरूका अनुसार यदि होर्मुज क्षेत्रमा तनाव थप बढेमा यसको असर विश्व अर्थतन्त्रमा प्रत्यक्ष पर्नेछ।
