भाद्र ३, काठमाडौं । सरकारको नेतृत्वकर्ता दल नेकपा (एमाले)ले आकस्मिक रुपमा संसदीय दलको बैठक बोलाएको छ। बैठक आज बिहान साढे १० बजे सिंहदरबारस्थित संसदीय दलको कार्यालयमा बस्ने कार्यक्रम रहेको जानकारी प्राप्त भएको छ।
बैठकको एजेन्डाबारे भने औपचारिक रूपमा केही खुलाइएको छैन। तर पछिल्लो राजनीतिक परिस्थिति, सरकार सञ्चालनमा देखिएका चुनौतीहरू तथा संसद् सम्बद्ध विषयमा एमालेले आन्तरिक छलफल गर्ने अनुमान गरिएको छ।
प्रधानमन्त्री एवम् पार्टी अध्यक्ष केपी शर्मा ओलीको उपस्थितिमा बस्ने बैठकमा पार्टी सांसदहरू सहभागी हुनेछन्। आकस्मिक रूपमा बोलाइएको यस बैठकले एमालेभित्रको राजनीतिक रणनीति तथा आगामी दिनको दिशाबारे संकेत दिने अपेक्षा गरिएको छ।
