५ असार ,राजबिराज । जिल्ला प्रशासन कार्यालय सप्तरीले अब जिल्ला भित्र हुने अनुचित लेनदेन (मिटरब्याज) सम्बन्धी सम्पूर्ण उजुरी छानबिन तथा फछ्यौट कार्यहरु जिल्ला प्रहरी कार्यालय मार्फत नभई प्रशासन कार्यालयबाटै सञ्चालन गरिने जनाएको छ ।
यसअघि अनुचित लेनदेन (मिटरब्याजी) सम्बन्धी सम्पूर्ण कार्यहरु जिल्ला प्रहरी कार्यालय सप्तरीबाट हुँदै आएको थियो।
आज जिल्ला प्रशासन कार्यालयले एक सूचना प्रकाशित गर्दै अब उप्रान्त केहि दिन भित्र अनुचित लेनदेन (मिटरब्याज) सम्बन्धी सम्पूर्ण कार्यहरु जिल्ला प्रशासन कार्यालयमार्फ सञ्चालन हुने जानकारी गराएको हो।
सूचना अनुसार, अब जिल्ला भित्र लेनदेन (मिटरब्याज) सम्बन्धी उजुरी, छलफल, छानबिन र फर्छयौट गर्ने सम्पूर्ण प्रक्रिया प्रशासन कार्यालयमार्फत सहज रूपमा सञ्चालन हुनेछ ।
