माघ १६, काठमाडौं — मधेश प्रदेशको निर्वाचनसँग सम्बन्धित विशेष जिम्मेवारीका विषयमा पार्टी अध्यक्ष केपी शर्मा ओली, नेता संजिब झा र महेश बस्नेतबीच महत्वपूर्ण छलफल सम्पन्न भएको छ।
छलफलमा मधेश केन्द्रित निर्वाचन रणनीति, संगठन सुदृढीकरण, कार्यकर्ता परिचालन, प्रचार–प्रसारको स्वरूप तथा मतदान व्यवस्थापनलगायत विषयमा विस्तृत विचार–विमर्श गरिएको जनाइएको छ। मधेशको राजनीतिक संवेदनशीलता र प्रतिस्पर्धात्मक अवस्थालाई ध्यानमा राख्दै प्रभावकारी कार्ययोजना निर्माणमा जोड दिइएको स्रोतले जनाएको छ।
बैठकमा मधेश प्रदेशका जिल्लागत अवस्थाको समीक्षा गर्दै स्थानीय मुद्दालाई प्राथमिकतामा राखी अभियान सञ्चालन गर्ने, समन्वयात्मक ढंगले नेतृत्व परिचालन गर्ने तथा प्रदेशस्तरमा विशेष संयन्त्र सक्रिय बनाउने विषयमा सहमति भएको बताइएको छ।
निर्वाचनलाई परिणाममुखी बनाउन केन्द्रीय नेतृत्वको प्रत्यक्ष समन्वयमा मधेशमा संगठनात्मक गतिविधि तीव्र पार्ने निर्णयसमेत भएको बुझिएको छ।
