भदौ ८ , जनकपुरधाम।जनकपुरधाम उपमहानगरपालिकाले मिथिलान्चलमा मनाइने चौठचन्द्र (गणेश चतुर्थी) पर्व र हरितालिका तीज पर्वको अवसरमा भदौ १० गते (मङ्गलवार) स्थानीय बिदा दिने निर्णय गरेको छ।
उपमहानगरपालिकाको कार्यालय, वडा कार्यालयहरु, स्वास्थ्य संस्थाहरु, शैक्षिक संस्थाहरु र अन्तर्गतका कार्यालयहरुमा उक्त दिन अति आवश्यक सेवा प्रवाह बाहेकका सम्पूर्ण काम बन्द रहने जनाइएको छ।
उपमहानगरपालिकाले जारी गरेको सूचना अनुसार “मिथिलामा मनाइने चौठचन्द्र (गणेश चतुर्थी) र हरितालिका तीज पर्व एकै दिन परेको हुनाले भदौ १० गते स्थानीय बिदा रहने” उल्लेख गरिएको छ।
