५ असार, जनकपुधराम। धनुषामा जंगली जनावरबाट बाली जोगाउन लगाएको विद्युतीय धरापमा करेन्ट लागेर एकजनाको मृत्यु भएको छ ।
धनुषाको मिथिला नगरपालिका–१, ढल्केबरमा आज बिहान स्थानीय ५० वर्षीया मङ्लीदेवी महतोको मृत्यु भएको हो ।
आज बिहान घर नजिकै रहेको तरकारी खेतमा काम गर्न जाँदा रामप्रमोद महतोले बाली जोगाउन लगाएको नाङ्गो तारमा करेन्ट लागेर मङ्लीदेवीको मृत्यु भएको इलाका प्रहरी कार्यालय ढल्केवरले जनाएको छ ।
मृतक महिलाको शव पोष्टमार्टमका लागि प्रादेशिक अस्पताल जनकपुरमा राखिएको र घटना बारे थप अनुसन्धान गरिरहेको प्रहरीले जनाएको छ ।
