२४ जेठ, काठमाडौ । सरकारले हप्तामा दुई दिन (शनिबार र आइतबार) दिँदै आएको सार्वजनिक बिदामध्ये आइतबारको बिदा खारेज गर्ने तयारी भइरहेको भन्ने समाचारलाई पूर्ण रूपमा गलत भएको स्पष्ट पारेको छ।
केही सञ्चारमाध्यममा आइतबारको बिदा कटौती हुन लागेको भनी समाचार सार्वजनिक भएपछि सरकारका सम्बन्धित निकायले त्यसको औपचारिक खण्डन गरेका हुन्।
सरकारका अनुसार हाल लागू रहेको सार्वजनिक बिदा व्यवस्थामा कुनै पनि परिवर्तन वा संशोधनको तयारी छैन। शनिबार र आइतबारको बिदा यथावत् रहेको र यस सम्बन्धी फैलिएका समाचार भ्रामक भएको स्पष्ट गरिएको छ।
सरकारले नागरिक तथा सञ्चारमाध्यमलाई आधिकारिक सूचना मात्र विश्वास गर्न आग्रह गर्दै गलत सूचना नफैलाउन पनि अनुरोध गरेको छ।
