असोज १५,जनकपुरधाम। नेपालीहरूको महान् पर्व बडा दशैंको नवौं दिन आज माता सिद्धिदात्री देवीको पूजा–आराधना गरी मनाइँदैछ।
सिद्धिदात्रीलाई नवदुर्गाको अन्तिम स्वरूप मानिन्छ। धार्मिक विश्वासअनुसार देवी सिद्धिदात्रीको आराधनाले भक्तजनलाई सांसारिक बन्धन, अज्ञान र दुःखबाट मुक्त गर्दै परमात्मासँग एकरूप बनाउँछ।
उहाँ केवल शक्ति र सिद्धिदात्री मात्र नभई ब्रह्मानन्द र मोक्षकी प्रतीक मानिन्छिन्। यही कारण आजको दिनमा विशेषगरी भक्तजनहरू माताको पूजाअर्चना गर्दै दीर्घायु, समृद्धि र शान्तिको कामना गर्छन्।
जनकपुरधामका विभिन्न शक्ति पिठ्हरुमा विहानैदेखि भक्तजनहरूको भीड लागेको छ। नवमीको अवसरमा विशेष पूजाआजा, बलि र प्रसाद चढाउने परम्परा पनि रहेको छ।बडा दशैंको अन्तिम स्वरूपमा गरिने सिद्धिदात्रीको पूजा सम्पन्न भएपछि दसैंको विजया दशमी अर्थात् टीका–जमारो पर्वको तयारी हुने प्रचलन रहेको ।
