माघ १५ गते, काठमाडौ । भारत सरकारले निर्वाचन व्यवस्थापनमा सहयोग पुर्याउने उद्देश्यले नेपाल सरकारलाई २५० भन्दा बढी सवारीसाधन हस्तान्तरण गरेको छ।
काठमाडौंस्थित भारतीय दूतावासमा आयोजित कार्यक्रममा उक्त सवारीसाधनहरू नेपाल सरकारका सम्बन्धित निकायलाई औपचारिक रूपमा हस्तान्तरण गरिएको हो। ती सवारीसाधन निर्वाचनको तयारी, अनुगमन तथा दुर्गम क्षेत्रमा आवश्यक सामग्री ढुवानीका लागि प्रयोग गरिने जनाइएको छ।
नेपाल सरकारका प्रतिनिधिहरूले निर्वाचन प्रक्रियालाई प्रभावकारी र सुरक्षित बनाउन प्राप्त सहयोग उपयोगी हुने बताएका छन्। भारतीय पक्षले पनि लोकतान्त्रिक अभ्यास सुदृढीकरणका लागि नेपालसँगको सहकार्य निरन्तर रहने प्रतिबद्धता जनाएको छ।
नेपाल–भारतबीच निर्वाचन तथा प्रशासनिक क्षमता अभिवृद्धि सम्बन्धी सहयोगका कार्यक्रमहरू यसअघि पनि हुँदै आएका छन्।
