भदौ १६, चितवन। – चितवनमा बस र मोटरसाइकल आपसमा ठोक्किँदा एक जनाको मृत्यु भएको छ।
जिल्ला प्रहरी कार्यालय चितवनका अनुसार, नारायणगढबाट लमजुङको चितितर्फ गइरहेको ग१ख ४१४० नम्बरको बस र विपरीत दिशाबाट आइरहेको ग१२प ६९९२ नम्बरको मोटरसाइकल आज ठोक्किँदा दुर्घटना भएको हो।
दुर्घटनामा गम्भीर घाइते भएका मोटरसाइकल चालकलाई तत्काल उपचारका लागि भरतपुर अस्पताल लगिएको थियो। तर, उपचारका क्रममा उनको मृत्यु भएको प्रहरीले जनाएको छ।
मृतकको पहिचान खुल्न बाँकी रहेको र घटनाबारे थप अनुसन्धान भइरहेको चितवन प्रहरीले जानकारी दिएको छ।
