७ फागुन, काठमाडौ । गगन थापा ले दिएको सभापति पदबाट राजीनामा अस्वीकृत भएपछि उनी पुनः नेतृत्वमै रहने भएका छन्। उपसभापति विश्वप्रकाश शर्मा को प्रस्तावमा राजीनामा अस्वीकृत गर्ने निर्णय गरिएको स्रोतले जनाएको छ।
राजीनामा अस्वीकृत भएसँगै थापा फेरि सक्रिय रूपमा सभापतिको जिम्मेवारीमा फर्किने अवस्था बनेको छ। तर उक्त निर्णयपछि पार्टीभित्र विवाद थप चर्किएको छ।
संस्थापन पक्षका नेताहरूले यस घटनालाई ‘४८ घण्टे नाटक’ भन्दै कडा आलोचना गरेका छन्। उनीहरूको आरोप अनुसार राजीनामा दिने र फिर्ता लिने प्रक्रिया योजनाबद्ध रूपमा गरिएको राजनीतिक नाटक मात्र भएको दाबी गरिएको छ।
नेपाली कांग्रेस भित्र यस विषयलाई लिएर दुई धारबीच टकराव बढ्दो क्रममा देखिएको छ। एक पक्षले नेतृत्वको निर्णयलाई आवश्यक रणनीति भन्दै समर्थन गरिरहेको छ भने अर्को पक्षले यसलाई असफल र अविश्वसनीय कदमको रूपमा चित्रण गरिरहेको छ।
यस घटनाले कांग्रेसभित्रको आन्तरिक शक्ति संघर्ष अझ स्पष्ट भएको विश्लेषण गरिएको छ। आगामी दिनमा यसको असर पार्टीको संगठनात्मक एकता र राजनीतिक दिशा दुबैमा पर्न सक्ने अनुमान गरिएको छ।
