मंसिर १८, जनकपुरधाम। — आगामी संसदीय निर्वाचन लक्षित गर्दै धनुषा निर्वाचन क्षेत्र नम्बर–३ मा राष्ट्रिय मुक्ति पार्टी नेपालका केन्द्रीय उपाध्यक्ष डा. राजीव झाले जनहितका मुद्दालाई प्राथमिकता दिंदै उमेदवारी घोषणा गरेका छन्। उनी जनसरोकारमा आधारित स्वच्छ राजनीति, पारदर्शी प्रशासन र न्यायपूर्ण समाज निर्माणका लागि निर्वाचनमा प्रवेश गरेको बताउँछन्।
उम्मेदवारी घोषणासँगै जारी गरेको वक्तव्यमा डा. झाले भनেছেন — “समाजका विद्वान, अगुवा, शुभचिन्तक र आम नागरिक सबैको आशीर्वाद, मार्गदर्शन र सक्रिय सहयोग बिना परिवर्तन सम्भव छैन। धनुषा–३ वासीको समर्थन र विश्वास नै मेरो शक्ति हो।”
उनका अनुसार क्षेत्रका मूल समस्या — बेरोजगारी, शिक्षा–स्वास्थ्यको कमजोरी, भ्रष्ट प्रशासन, कृषि व्यवसायको संकट र युवाहरूको पलायन — समाधानका लागि दीर्घकालीन नीति तथा तत्काल लागू गर्न सकिने कार्यक्रम लिएर चुनावमा उत्रिने योजना छ।
डा. झाले जनताको मत र सुझावलाई नै भविष्यको नीतिगत दिशानिर्देश बनाउने प्रतिबद्धता जनाउँदै भने — “अहाँ सभक एक–एक सुझाब, समर्थन आ मत भविष्यक मजबूत नींव बनत। धनुषा–३ क विकास और सम्मानित पहिचान लेल हम सम्पूर्ण शक्ति सँ काम करब।”
स्थानीय बासिन्दा, युवा समूह तथा बुद्धिजीवी वर्गबीच डा. झा लोकप्रिय नाम मानिन्छ। विगत दुई दशकदेखि सामाजिक अभियन्ता तथा नीति विश्लेषकको भूमिकामा काम गर्दै आएका उनले अब राजनीतिक स्तरमै सुधार ल्याउनुपर्ने आवश्यकता बढेकाले चुनावी प्रतिस्पर्धामा उत्रिएको दाबी गरेका छन्।
