मंसिर ८, इनरुवा/ सुनसरी । – इनरुवा नगरपालिकाले विवाह पञ्चमीको पावन अवसरमा भोलि मंसिर ९ गते (मंगलबार) एक दिनका लागि स्थानीय बिदा दिएको छ।
नगर कार्यपालिकाको मंसिर ५ गतेको निर्णयअनुसार नगरपालिकाभित्र रहेका अत्यावश्यक सेवा बाहेकका सबै कार्यालय, स्वास्थ्य संस्था तथा नगरक्षेत्रका शैक्षिक संस्थाहरु भोलि बन्द रहने नगरपालिकाले प्रकाशित सूचनामा उल्लेख छ।
नगरप्रमुख प्रशासकीय अधिकृत दिल्ली राज निरौलाले जारी गरेको सूचनामा विवाह पञ्चमी जस्ता महत्वपूर्ण धार्मिक तथा सांस्कृतिक पर्वको सम्मानस्वरूप बिदा प्रदान गरिएको जनाइएको छ।
नगरपालिकाले अत्यावश्यक सेवा भने यथावत सञ्चालन रहने स्पष्ट गरेको छ।
