पुस २२, काठमाडौ । आगामी महिना भारत र श्रीलंकामा आयोजना हुने आईसीसी पुरुष टी–२० विश्वकपका लागि नेपाली राष्ट्रिय क्रिकेट टोली घोषणा गरिएको छ। नेपाल क्रिकेट संघ (क्यान) ले रोहितकुमार पौडेलको कप्तानीमा १५ सदस्यीय टोली सार्वजनिक गरेको हो।
टोलीको उपकप्तानको जिम्मेवारी दीपेन्द्र सिंह ऐरीलाई दिइएको छ। अनुभवी खेलाडी सन्दीप लामिछाने, कुशल भुर्तेल, आसिफ शेख र सोमपाल कामी टोलीमा समावेश भएका छन्।
विश्वकपका लागि घोषित नेपाली टोली सन्तुलित रहेको क्यानले जनाएको छ। टोलीमा अनुभवी खेलाडीसँगै युवा प्रतिभालाई पनि अवसर दिइएको छ, जसले विश्वकपमा प्रतिस्पर्धात्मक प्रदर्शन गर्ने अपेक्षा गरिएको छ।
नेपाली राष्ट्रिय टोली (१५ सदस्यीय)
रोहितकुमार पौडेल (कप्तान)
दीपेन्द्र सिंह ऐरी (उपकप्तान)
सन्दीप लामिछाने
कुशल भुर्तेल
आसिफ शेख
सुन्दीप जोरा
आरिफ शेख
बासिर अहमद
सोमपाल कामी
करण केसी
नन्दन यादव
गुल्शन कुमार झा
ललित राजवंशी
शेर मल्ल
लोकेश बम
क्यानका अनुसार टोलीले विश्वकपअघि तयारीका लागि विशेष अभ्यास शिविर तथा अभ्यास खेलहरू खेल्ने कार्यक्रम रहेको छ। नेपाली टोलीले विश्वकपमा ऐतिहासिक प्रदर्शन गर्ने लक्ष्यसहित मैदान उत्रने जनाएको छ।
