२७ फागुन, जनकपुरधाम। — विशेष अदालत ले धनुषाको हंसपुर नगरपालिकामा सडक निर्माणका क्रममा भएको भ्रष्टाचार प्रकरणमा ५ जनालाई दोषी ठहर गरेको छ।
अदालतले इन्जिनियर र सब–इन्जिनियरलाई कैद तथा जरिवानाको सजाय सुनाएको छ भने प्रमुख प्रशासकीय अधिकृत, लेखापाल र निर्माण व्यवसायीलाई कैद सजाय सुनाएको हो।
यसैगरी उपप्रमुखसहित चार जनालाई भने अदालतले आरोपबाट सफाइ दिएको छ। अदालतले उक्त सडक निर्माणमा बढी भुक्तानी भएको रकम सम्बन्धित पक्षबाट असुलउपर गर्ने फैसला समेत सुनाएको छ।
हंसपुर नगरपालिकामा सडक निर्माणका क्रममा अनियमितता भएको भन्दै मुद्दा दायर भएको थियो। अदालतको फैसलासँगै भ्रष्टाचार प्रकरणमा संलग्न ठहरिएका व्यक्तिमाथि कैद सजाय र जरिवाना लाग्ने भएको छ।
