८ बैशाख , काठमाडौ । — बिचौलियासँगको सेयर विवादमा मुछिएका गृहमन्त्री सुधन गुरुङ अन्ततः राजीनामा दिन तयार भएका छन्। स्रोतका अनुसार प्रधानमन्त्री बालेन शाह र प्रमुख सल्लाहकार कुमार बेनसँग भएको निर्णायक छलफलपछि उनले पद छाड्ने मनस्थिति बनाएका हुन्।
हालसम्म औपचारिक निर्णय सार्वजनिक नभए पनि उच्चस्तरीय छलफल जारी रहेको र निष्कर्ष आउन बाँकी रहेको बताइएको छ। पछिल्लो समय विवाद चुलिँदै गएपछि गृहमन्त्री गुरुङमाथि नैतिक दबाब बढ्दै गएको थियो।
गुरुङले भने आफू विवादमुक्त भएर पुनः सार्वजनिक जीवनमा फर्किने विश्वास व्यक्त गर्दै अनुसन्धान प्रक्रियामा पूर्ण सहयोग गर्ने तयारी गरेको जनाइएको छ। उनले सत्यतथ्य बाहिर ल्याउन सहयोग पुर्याउने र आवश्यक परे कानुनी प्रक्रिया सामना गर्न पनि तयार रहेको संकेत दिएका छन्।
यस प्रकरणले सरकारभित्र नै राजनीतिक तरंग सिर्जना गरेको छ भने आगामी दिनमा यसको प्रभाव थप स्पष्ट हुने अपेक्षा गरिएको छ।
