पुस ३०, काठमाडौ । — नेपाली कांग्रेसका नेता गगन थापाले विशेष महाधिवेशनबाट विधिवत् र विधानसम्मत रूपमा नेतृत्व चयन भइरहेको दाबी गरेका छन्। उनले विशेष महाधिवेशनबाट निर्वाचित नेतृत्वबारे आजै निर्वाचन आयोगमा जानकारी गराइने स्पष्ट पारे।
निर्वाचन प्रक्रिया सम्पन्न भएसँगै आयोगलाई जानकारी दिने तयारी रहेको बताउँदै थापाले भने, “आज निर्वाचन प्रक्रिया सकिएसँगै आयोगलाई जानकारी गराउँछौं। पार्टीको चुनाव चिह्न रूख र चारतारे झन्डा हामीसँगै छ। अर्को कुरा, कांग्रेस नै हामी हौँ।”
थापाको भनाइपछि कांग्रेसभित्रको आन्तरिक राजनीतिक समीकरण थप स्पष्ट हुँदै गएको छ भने विशेष महाधिवेशनमार्फत नयाँ नेतृत्वको दाबीलाई लिएर बहस चर्किँदै गएको छ।
