२५ फाल्गुन, काठमाडौं । सर्वोच्च अदालत ले धनुषा–१ को निर्वाचन परिणामसँग सम्बन्धित विवादमा कागजात झिकाउन आदेश दिएको छ।
न्यायाधीश नृपध्वज निरौला को इजलासले किशोरी साह कमल ले दायर गरेको रिट निवेदनमाथि प्रारम्भिक सुनुवाइ गर्दै यस्तो आदेश दिएको हो।
अदालतले निर्वाचन आयोग नेपाल लाई फागुन २९ गते अदालतमा उपस्थित भई उम्मेदवार किशोरी साह कमलको उम्मेदवारी किन र कसरी खारेज गरिएको हो भन्ने विषयका सम्पूर्ण कागजात पेश गर्न आदेश दिएको छ।
साहले आफ्नो उम्मेदवारी गैरकानुनी रूपमा खारेज गरिएको दाबी गर्दै सर्वोच्च अदालतमा रिट निवेदन दायर गरेका थिए। प्रारम्भिक सुनुवाइपछि अदालतले निर्वाचन आयोगबाट सम्बन्धित सबै विवरण र कागजात झिकाउन आदेश दिएको हो।
सर्वोच्चको आदेशअनुसार आयोगले उम्मेदवारी खारेज गर्ने निर्णयसँग सम्बन्धित कागजात तथा प्रक्रिया अदालतमा पेश गर्नुपर्नेछ। ती कागजात अध्ययन गरेपछि अदालतले मुद्दाको आगामी सुनुवाइ र आवश्यक आदेश दिनेछ।
धनुषा–१ को निर्वाचन परिणामसँग सम्बन्धित यो मुद्दालाई अहिले राजनीतिक वृत्तमा चासोका साथ हेरिएको छ। अदालतमा कागजात पेश भएपछि यस विषयमा थप कानुनी प्रक्रिया अघि बढ्नेछ।
